நீண்ட கால இடைவெளிகளில்
இப்படி ஒரு சந்திப்பு
கல்யாணம் , காட்சியென....
அவர்களுக்காய் அமைந்து விடுகிறது...
அவனிடம் பேச நினைப்பதை எல்லாம்
ஒத்திகை பார்க்கிறாள்... அவள்.
காணும்போது ஏனோ அரங்கேற மறுக்கிறது.
காயபட்டு விடுமோ என்ற அச்சத்தில்..!
பொய்யாய் சிரித்து சுகம் சொன்ன
அவளுக்கு-
தானும் சுகமே சொல்லி சிரித்த
அவன் மனதின் நெருடல்-
பேருந்து இருக்கையில்...
பலமாய் சிரித்தது..
நலமாய் நடித்ததில்...!
அசையா சொத்து பிரித்த போது..
அசையும் ‘சொத்தை’யாக
அவன் பெரிய மகனுக்கும்,
அவள் சின்ன மகனுக்கும்
பங்கு போனவர்கள் ... அவர்கள்..!
