உங்க டைம் எப்படி...?

கூட்டி வைத்தாலும்
குறைத்து வைத்தாலும்
 அடங்காத
 ஓட்டமாய் காலம்..
சரியாகத்தானிருக்கும்
பத்து நிமிட தாமதத்திலும்
சமாதானமாய் ஒரு புறப்பாடு..
பரிகாசமாய் பார்த்தது -
பத்து நிமிடம் வேகம்
கூட்டிய என் வீட்டு கடிகாரம்..!

 

காதல்ல இப்படித்தான் உளருவாங்க....!

ஒரு நொடியில்

அசைவமாகிவிட்டேன்

உன் கண் மீனை

விழுங்கி…!

**********

பூக்கள்

மலர்வதை பார்க்க ஆசை..

உன் இதழ்களை பார்த்து கொண்டிருக்கிறேன்..!

*****

            

திருமணத்திற்கு பின்…

1.   கோட்டான் மாதிரி முழியை பாரு..

2.    வாயை மூடவே மாட்டேங்கிறா ராட்சஸி..

(பி.குறிப்பு- கவிதைன்னா கூட சிரிச்சிட்டே படிக்கனும் ஆமா...) 

 

யாருக்கும் தெரியாமல்...!

பத்திரமாய்த்தான்

     ஒளித்து வைத்திருக்கிறேன்

     உன் நினைவுகளை..

    மயில் இறகை வைத்து

குட்டி போடுமென்று

     மூடி வைத்த

புத்தகத்தை போல்..!